नेपालमा कोरोनाबाट ज्यान जानेको संख्या १७ सय नाघ्यो, आजमात्रै संक्रमणबाट थप १८ जनाको मृत्यु,

काठमाडौं, मंसिर २९ । नेपालमा पछिल्लो २४ घण्टामा थप ८२१ जना कोरोना संक्रमित थपिएका छन् ।स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप ८२१ जना कोरोना संक्रमित थपिएका छन् ।

पछिल्लो २४ घण्टामा देशभरका विभिन्न प्रयोगशालामा ५४२३ जनाको पीसीआर परीक्षण भएको छ ।गत २४ घण्टामा ८४२ जना कोरोना संक्रमित संक्रमणमुक्त भएका छन् ।योसँगै हालसम्म संक्रमणमुक्त हुनेको संख्या २ लाख ३६ हजार ५ सय ७३ पुगेको छ ।पछिल्लो २४ घण्टामा कोरोना संक्रमणबाट थप १८ जनाको मृत्यु भएको छ ।

योसँगै हालसम्म मृत्यु हुनेको संख्या १७१६ रहेको छ ।पछिल्लो २४ घण्टामा काठमाडौं उपत्यकामा ३३३ जना संक्रमित थपिएका छन् ।काठमाडौंमा २४६, ललितपुरमा ५३ र भक्तपुरमा ३४ जना संक्रमित थपिएका छन् ।

हाल देशभर सक्रिय संक्रमितको संख्या १० हजार ९५५ पुगेको छ ।