एकै विद्यालयका १७ शिक्षकलाई कोरोना संक्रमण पुष्टि

काठमाडौं, मंसिर २८ । कोरोना त्रासका कारण यति बेला विद्यालय बन्द रहेका छन् । तर कतिपय ठाउँमा भने कोरोनाका बाबजुत पनि विद्यालय संचालनमा रहेका छन् । यसैबीच सुर्खेतमा एउटै विद्यालयका ११ सहित १७ जना शिक्षकमा कोरोना भाइरस संक्रमण देखिएको छ ।

कर्णाली प्रदेश अस्पतालरपशुपन्छी रोग अन्वेषण प्रयोगशाला सुर्खेतमा गरिएको परीक्षणमा १७ जना शिक्षकमा संक्रमण पुष्टि भएको हो । ‘उनीहरु सबै अहिले होम आशोलेनमा रहेका छन भने अवस्था सामान्य नै रहेको छ ।यसरी शिक्षकमा कोरोना संक्रमण देखिएपछि विद्यालय धमाधम बन्द भएका छन् ।

पालिकाले प्रत्यक्ष सिकाइ सहजीकरण निर्देशिकाले तोके बमोजिम स्वास्थ्य सुरक्षाका मापदण्ड अपनाएर कक्षा सञ्चालन गर्न विद्यालयहरुलाई अनुमति दिएको थियो । त्यसअनुसार तिहारपछि धेरैजसो विद्यालयहरु खुलेका थिए ।पछिल्लो समय शिक्षकहरुमा कोरोना भाइरसको संक्रमण देखिपछि भने विद्यालय बन्द भएका छन् ।