थप १ हजार ४४ जनामा कोरोना पुष्टि,  ११ जनाको मृत्यु 

काठमाडौं, मंसिर २६ । नेपालमा पछिल्लो २४ घण्टामा थप १ हजार ४४ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयले शुक्रबार अपरान्ह दिएको जानकारी अनुसार ७ हजार ४१४ को पीसीआर परीक्षण गर्दा १ हजार ४४ जनामा कोरोना भाइरको संक्रमण पुष्टि भएको हो।

मन्त्रालयका अनुसार योसँगै नेपालमा कोरोनाका कुल संक्रमितको संख्या २ लाख ४६ हजार ६९४ पुगेको छ भने आज देशभर सक्रिय संक्रमितको संख्या १२ हजार १४८ रहेको छ।

त्यस्तै पछिल्लो २४ घण्टामा थप १ हजार २७१ जना कोरोना संक्रमित निको भएको मन्त्रालयले जनाएको छ। योसँगै नेपालमा कोरोना निको हुनेको संख्या २ लाख ३२ हजार ८७२ पुगेको छ।

यस्तै मनत्रालयका उनुसार पछिल्लो २४ घण्टामा थप ११ जना कोरोना संक्रमितको मृत्यु भएको छ। योसँगै कोरोनाबाट मृत्यु हुनेको संख्या १ हजार ६७४ पुगेको छ।