थप ३५ सय ५६ जनामा कोरोना पुष्टि, काठमाडौँमा मात्रै थपिए २१ सय २९ संक्रमित
काठमाडौं, असोज २७ । नेपालमा पछिल्लो २४ घण्टामा थप ३ हजार ५५६ जनामा कोरोना भाइरसको संक्रमण पुष्टि भएको छ।
मंगलबार स्वास्थ्य तथा जनसंख्या मन्त्रालयको नियमित प्रेस ब्रिफि«मा मन्त्रालयका प्रवक्ता प्राडा जागेश्वर गौतमले देशभरमा आज थप ३ हजार ५५६ जनामा कोरोना भाइरसको संक्रमण पुष्टि भएको बताए।
उनका अनुसार आज देशभरमा सक्रिय संक्रमितको संख्या ३५ हजार ९१५ रहेको छ। त्यस्तै संस्थागत आइसोलेसनमा १५ हजार ४८ रहेका छन्।पछिल्लो २४ घण्टामा थप १५ हजार ५७७ पीसीआर परीक्षण भएको छ। १२ लाख ७ हजार ९१
प्रवक्ता गौतमका अनुसार पछिल्लो २४ घण्टामा थप १ हजार ५०३ जना कोरोना संक्रमित निको भएका छन्। योसँगै निको हुनेको संख्या ७८ हजार ७८० पुगेको छ।यो कूल संक्रमितको ६८.३ प्रतिशत हो।
यता काठमाडौँ उपत्यकामा पछिल्लो २४ घण्टामा थप २ हजार १२९ जनामा कोरोना भाइरसको संक्रमण पुष्टि भएको छ।
मंगलबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले उपत्यकाका तीन जिल्लामा थप २ हजार १२९ जनामा कोरोना भाइरसको संक्रमण पुष्टि भएको बताए।
प्रवक्ता गौतमका अनुसार उपत्काका काठमाडौँमा १ हजार ७४६, भक्तपुरमा १६७ र ललितपुरमा २१६ जनामा कोरोना पुष्टि भएको हो।
सोमबार उपत्यकामा २ हजार २८३ संक्रमित थपिएका थिए।
प्रतिक्रिया दिनुहोस्