नेपालमा कोरोना संक्रमितको संख्या १ लाख नाघ्यो

काठमाडौँ , असोज २३ । पछिल्लो २४ घण्टामा नेपालमा थप २ हजार ५९ जनामा कोरोना सङ्क्रमण पुष्टि भएको छ ।

देशका विभिन्न प्रयोगशालामा १३ हजार २७९ जनाको पीसिआर परिक्षण गरिएकोमा थप २०५९ जनामा कोरोना पुष्टि भएको स्वास्थ्य तथा जनसङ्ख्या मन्त्रालयका प्रवक्ता डा जागेश्वर गौतमले जानकारी दिए । योसँगै नेपालमा कूल सङ्क्रमित सङ्ख्या १ लाख ६७६ पुगेको छ ।

त्यसैगरी पछिल्लो २४ घण्टामा १ हजार ६८० जना कोरोनालाई जितेर घर फर्किएको जानकारी दिए । यो सँगै घर फर्किनेको सङ्ख्या ७३ हजार २३ पुगेको छ । हाल देशभर २७ हजार ५३ जना सक्रिय सङ्क्रमित रहेका छन् । हाल ४ हजार ७०३ जना संक्रमित क्वारेन्टिनमा रहेका छन् ।