सोमबार: थप २ हजार ४४० जनामा कोरोना पुष्टि, १९ को मृत्यु

काठमाडौं, १९ असोज । सोमबार थप २ हजार ४४० जनामा कोरोना पुष्टि भएको छ ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार पछिल्लो २४ घण्टामा २ हजार ४४० जनामा कोरोना पुष्टि भए सो संख्याका संक्रमित थपिएको बताएका छन् । यीसहित हालसम्म देशभर संक्रमित हुनेको संख्या ८९ हजार २६३ पुगेको छ ।

त्यस्तै यस अवधिमा १ हजार १३३ जना कोरोनाबाट निको भएका छन् । अब यो सहित हालसम्म कोरोनाबाट निको हुनेको संख्या ६५ हजार २०२ पुगेको मन्त्रालयले जनाएको छ ।

त्यस्तै देशभर सक्रिय संक्रमितको संख्या २३ हजार ५०७ रहेको छ । पछिल्लो २४ घण्टामा १९ जनामा कोरोनाका काराण मृत्यु भएको मन्त्रालयले जनाएको छ ।
यीसहित हालसम्म कोरोनाबाट मृत्यु हुनेको संख्या ५५४ पुगेको छ । यस दिन १३ हजार ७८१ जनाको पिसिआर परीक्षण भएको मन्त्रालयले जनाएको छ । नेपालमा कोरानाको संक्रमणको जटिल अवस्था आएको छ ।