थप ११ जना कोरोना संक्रमितको मृत्यु , मृतकको संख्या ५२० पुग्यो

काठमाडौं , असोज १६ ।बितेको २४ घण्टामा थप ११ जना कोरोना संक्रमितको मृत्यु भएको छ । पछिल्लो २४ घण्टामा मुलुकका विभिन्न स्थानमा ११ जना कोरोना संक्रमितको मृत्यु भएको हो ।

मोरङ, ललितपुर, भक्तपुर, काठमाडौं, मकवानपुर, रुपन्देही, बाँके र सुर्खेतमा गरी ११ जनाको मृत्यु भएको हो । ११ जनामध्ये ४ जना महिला र ७ जना पुरुष रहेका छन् । योसँगै नेपालमा कोरोनाले मृत्यु हुनेको संख्या ५२० पुगेको छ ।