गण्डकी प्रदेशमा ८ प्रहरीसहित ५० जनामा कोरोना पुष्टि

काठमाडौं, भदौ ३१ । कास्कीमा २९ सहित गण्डकी प्रदेशमा ५० जना कोरोना भाइरस संक्रमित थपिएका छन् ।कास्कीमा थपिएकामध्ये २८ जना पोखरा महानगरपालिकाका हुन् भने एक जना रुपा गाउँपालिकाका हुन् ।

त्यस्तै गोरखामा १३, बाग्लुङमा ३ र तनहुमा ५ जना नयाँ संक्रमित थपिएका छन् ।

गण्डकी प्रदेश स्वास्थ्य निर्देशनालयले आज बिहान जारी गरेको विज्ञप्तिका अनुसार पोखरामा थपिएकामध्ये ८ जना नेपाल प्रहरीमा कार्यरत छन् ।