पोखरामा प्लाज्मा थेरापीबाट कोरोना संक्रमितको उपचार गरिने
काठमाडौं, भदौ २६ । पोखरा स्वास्थ्य विज्ञान प्रतिष्ठानले प्लाज्मा थेरापी विधिबाट कोभिड–१९ का सङ्क्रमितको उपचार गर्ने भएको छ ।
प्रतिष्ठानका निर्देशक सहप्राडा अर्जुन आचार्यले प्लाज्मा थेरापीबाट उपचारका लागि निको भएका सङ्क्रमितलाई रक्तदान गर्न आग्रह गरे।
रक्तदान गर्न इच्छुकले प्रतिष्ठान परिसरभित्र रहेको रक्त सञ्चार केन्द्रमा उपस्थित भएर रक्तदान गर्न सक्नेछन्। डा। आचार्यका अनुसार यो विधिको लागि सङ्क्रमितले आफ्नो रिर्पोट नेगेटिभ आएको दुई हप्तामा रक्तदान गर्न सक्नेछन्। यस विधिबाट उपचार गर्दा सङ्क्रमित छिटो निको हुन्छन्।
त्यसैगरी कोरोना सङ्क्रमितका लागि बनेको रेम्डिसिभर भ्याक्सिन पनि प्रयोग गरीएको डा। आचार्यले जानकारी दिए। “हामीले दुई सङ्क्रमितमा यो भ्याक्सिन प्रयोग गरिसकेका छौँ, अरु भ्याक्सिन पनि मगाएका छौँ”, आचार्यले भने।
गण्डकी प्रदेश स्वास्थ्य निर्देशनालयका अनुसार प्रदेशममा हालसम्म दुई हजार ७४७ पुगेको छ। शुक्रबार १७ जना नयाँ सङ्क्रमित थपिएका छन्।
एकहजार ८१४ जना निको भइसकेका छन्। यस प्रदेशमा ९११ जना सक्रिय सङ्क्रमित छन्। कोरोनाका कारण प्रदेशमा हालसम्म २२ जनाको मृत्यु भएको छ।
प्रतिक्रिया दिनुहोस्