आज थप १ हजार ८१ जनामा कोरोना पुष्टि, निको हुनेको संख्या ३३ हजार ८८२ पुग्यो

काठमाडौं, भदौ २४। नेपालमा पछिल्लो २४ घण्टामा थप १ हजार ८१ जनामा कोरोना भाइरसको संक्रमण पुष्टि भएको छ।

बुधबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले देशभरमा थप १ हजार ८१ जनामा कोरोना भाइरसको संक्रमण पुष्टि भएको बताए।यो सँगै कोरोना संक्रमितको संख्या ४९ हजार २१९ पुगेको छ ।

यस्तै बितेको २४ घण्टामा ९१८ जना संक्रमण मुक्त भएका छन् भने हालसम्म निको हुनेको कुल संख्या ३३ हजार ८८२ पुगेको छ

प्रवक्ता गौतमका अनुसार सक्रिय संक्रमितको संख्या १५ हजार २५ रहेको छ।आज ११ हजार १६७ पीसीआर परीक्षण गरिएको थियो।