कोरोनाबाट आज थप ६ जनाको मृत्यु , नेपालमा ज्यान गुमाउनेको संख्या १२६ पुग्यो

काठमाडौं, भदौ ४ । नेपालमा विहीबार थप ६ जनाको कोरोना भाइरसको संक्रमणका कारण मृत्यु भएको स्वास्थ्य तथा जनसंख्या मन्त्रालयले पुष्टि गरेको छ । योसँगै नेपालमा कोरोनाले ज्यान गुमाउनेको संख्या १२६ पुगेको छ ।

स्वास्थ्य मन्त्रालयका प्रवक्ता डा। जागेश्वर गौतमले नियमित लाइभ अपडेटमा सो जानकारी दिएका हुन् । मन्त्रालयका अनुसार आज काठमाडौंकी एक महिला, मकवानपुरका एक पुरुष, सप्तरीका एक पुरुष, पर्सामा एक महिला र दुई पुरुष गरी ६ जनाको कोरोनाले मृत्यु भएको छ ।

यसअघि हिजो बुधबार काठमाडौं र बर्दियामा एक(एक जना पुरुष तथा मोरङ, भक्तपुर, चितवन र सुनसरीका एक(एक जना महिला गरी ६ जनाको कोरोनाले मृत्यु भएको थियो।