सिरहाबाट स्रोत नखुलेको २० लाखसहित एकजना पक्राउ

काठमाडौं, साउन ८ । सिरहाबाट स्रोत नखुलेको २० लाखसहित एकजना पक्राउ परेका छन् । सशस्त्र प्रहरीको टोलीले स्रोत नखुलेको २० लाख नगदसहित सिरहाका नगरपालिका १९ सोहरूवाबाट एकजनालाई पक्राउ गरेको हो ।

पक्राउ पर्नेमा जिल्लाको अर्नमा गाउँपालिका-४ लक्ष्मीपुर निवासी ३७ वर्षीय सुकदेव ठाकुरलाई पक्राउ गरेको सशस्त्र प्रहरी बल नम्बर ७ गण सिरहाका प्रहरी उपरीक्षक प्रवीण कँडेलले जानकारी दिए ।सीमा सुरक्षा बल लगदीगदियानीबाट खटिएको टोलीले सो रकमसहित उनीहरुलाई पक्राउ गरेको हो ।

भारततर्फबाट आउँदै गरेका ठाकुरलाई शङ्का लागेर चेकजाँच गर्दा सो रकम भेटिएपछि नियन्त्रणमा लिइएको प्रहरी उपरीक्षक कँडेलले बताए ।

पक्राउ परेका ठाकुरलाई आवश्यक कारवाहीको लागि जिल्ला प्रहरी कार्यालयमा बुझाइएको जनाएको छ ।