नेपालमा कोरोनाबाट थप एकको मृत्यु, मृत्यु हुनेको संख्या १९ पुग्यो

काठमाडौं, जेठ ३२ ।  नेपालमा  कोरोना भाइरसको संक्रमणबाट थप एक जनाको मृत्यु भएको छ ।

गए राति गुल्मीका ३६ वर्षिया पुरुषको मृत्यु भएको हो । यो संगै कोरोना भाइरसको संक्रमणबाट देशभर मृत्यु हुनेको संख्या १९ पुगेको स्वास्थ्य तथा जनसंख्या मन्त्रालयका प्रवकता डा। जागेश्वर गोतमले जानकारी दिए ।

मृत्यु भएका गुल्मीका पुरुषमा यही १२ जेष्ठमा रुपन्देहीमा कोरोना पुष्टि भएको र उनी गुल्मी आइसोलेसनमा रहेको अवस्थामा ३१ गते राति आइसोलेसनमा नै निधन भएको मन्त्रालयले जनाएको छ ।

उनी क्यान्सर रोगबाट समेत पीडित भएको प्रवक्ता डा। गौतमले जानकारी दिए ।