हालसम्म ८७७ जना कोरोना संक्रमित निको भएर घर फर्किए

काठमाडौं, जेठ ३० । नेपालमा पछिल्लो २४ घण्टामा थप १६ जना कोरोना संक्रमित निको भएर अस्पतालबाट डिस्चार्ज भएका छन् । यो सँगै कोरोना संक्रमण मुक्त भएका संक्रमितको संख्या ८७७ पुगेको हो ।

स्वास्थ्य तथा जनसंख्या मन्त्रालयको नियमित लाइभ अपडेडमा प्रवक्ता डा। जागेश्वर गौतमले पछिल्लो २४ घण्टामा कोरोना संक्रमण निको भएर अस्पतालबाट डिस्चार्ज हुनेको संख्या १६ जना रहेको जानकारी दिएका हुन् ।

डा गौतमका अनुसार योसँगै नेपालमा कोरोना संक्रमण भएर निको हुनेको संख्या हालसम्म ८७७ पुगेको छ । जसमध्ये ७८६ पुरुष र ९१ महिला रहेका छन् ।