एकैपटक थप २१३ जनामा कोरोना संक्रमण पुष्टि, कुल संक्रमितको संख्या ३ हजार ४४८ पुग्यो

काठमाडौं, जेठ २५ । नेपालमा थप आज एकैपटक थप २१३ जनामा कोरोना संक्रमण पुष्टि भएको छ ।

योसँगै नेपालमा कुल संक्रमितको संख्या ३ हजार ४४८ पुगेको छ । स्वास्थ्य मन्त्रालयको नियमित मिडिया ब्रिफिङमा मन्त्रालयका प्रवक्ता डाक्टर विकास देवकोटाले आज एकैपटक २१३ जनामा कोरोना संक्रमण पुष्टि भएको जानकारी दिए ।

उनका अनुसार आज भेटिएका कोरोना संक्रमितहरुको स्वास्थ्य अवस्था सामान्य रहेको छ भने उनीहरु सबै चिकित्सकको निगरानीमा रहेका छन् ।यसैबीच नेपालमा अहिलेसम्म कोरोना भाइरसको महामारीका कारण १३ जनाले ज्यान गुमाएका छन् भने ४६७ जना स्वास्थ्योपचार पछि निको भएका छन् ।

आज मात्रै नेपालमा थप १०२ जना कोरोना संक्रमितहरु स्वास्थ्योपचार पछि निको भएका छन् । आज एक सय जना पुरुष तथा २ जना महिला स्वास्थ्योपचार पछि निको भएर घर फर्किएका छन् ।