कोरोना अपडेट- विश्वभर तीन लाख २० हजारको मृत्यु, ४९ लाख संक्रमित
काठमाडौं , जेठ ६ । कोरोनाभाइरसका कारण विश्वभर तीन लाख २० हजारभन्दा बढी व्यक्तिको मृत्यु भएको छ भने संक्रमितको संख्या ४९ लाख पुगेको छ ।
जोन्स हप्किन्स विश्वविद्यालयकाअनुसार नेपाली समयानुसार मंगलबार मध्याह्नसम्ममा विश्वभर २४ घन्टाको अवधिमा ८८ हजार ८५८ जना नयाँ संक्रमित भेटिएका छन् ।
यसअघि, अघिल्लो २४ घन्टामा विश्वमा ८२ हजार २५७ जना नयाँ संक्रमित भेटिएका थिए ।
विगत २४ घन्टामा विश्वभर तीन हजार ४४५ जनाको ज्यान गएको छ ।
विश्वभर करिब ४४ हजार ७६५ जनाको स्वास्थ्य अवस्था कोरोनाभाइरसबाट अत्यन्त जटिल रहेको छ भने २६ लाख २० हजारको स्वास्थ्य अवस्था सामान्य छ ।
युरोपेली मुलुकहरुमध्ये कोरोनाभाइरसबाट बेलायतमा सबैभन्दा बढी व्यक्तिको मृत्यु भएको छ । पछिल्लो विवरणअनुसार बेलायतमा ३४ हजार ७९६ जनाको कोरोनाभाइरसका कारण मृत्यु भइसकेको छ ।
संयुक्तराज्य अमेरिकामा मृत्युदरमा उतार–चढाव यथावत् छ । पछिल्लो २४ घन्टामा अमेरिकामा एक हजार व्यक्तिको मृत्यु भएको छ ।
योसहित अमेरिकामा मृत्यु भएका व्यक्तिको कुल संख्या ९१ हजार ९८१ पुगेको छ ।
कोरोनाभाइरसबाट सर्वाधिक दैनिक मृत्युदर रहेका इटाली, स्पेन र फ्रान्समा २४ घन्टाको अवधिमा अघिल्लो दिनको झैं सामान्य रहेको छ ।
विगत २४ घन्टामा इटालीमा ९९, स्पेनमा ५९ र फ्रान्समा ७५३ जनाको ज्यान गएको छ ।
दक्षिण अमेरिकी देशहरुमध्ये कोरोनाभाइरसको ‘इपिसेन्टर’का रुपमा देखिएको ब्राजिलमा १६ हजार ८५३ जनाको मृत्यु भइसकेको छ । विगत २४ घन्टामा ब्राजिलमा ७३५ जनाको ज्यान गएको छ ।
कोरोनाभाइरस महामारीको पछिल्लो स्थिति
क्र.सं. महादेश कुल संक्रमित निको भएका कुल मृत्यु
विश्वभर ४८,९४,२७८ १९,०९,२३६ ३,२०,१८९
१. युरोप १७,९७,५७३ ७,८२,७४८ १,६३,६२६
२. उत्तर अमेरिका १७,१३,७७५ ४,४७,७९१ १,०४,३०२
३. एसिया ८,२२,०८२ ४,७२,५७८ २५,१५५
४. दक्षिण अमेरिका ४,६१,३७२ १,६२,६३३ २४,१२०
५. अफ्रिका ९०,०८० ३४,८७९ २,८५०
६. ओसेनिया(अस्ट्रेलिया)८,६७५ ७,९५६ १२१
दक्षिण एसियाली मुलुकहरु
१. भारत १,०१,२६१ ३९,२३३ ३,१६४
२. पाकिस्तान ४३,९६६ १२,४८९ ९३९
३. बंगलादेश २३,८७० ४,५८५ ३४९
४. अफगानिस्तान ७,०७२ ८०१ १७३
५. श्रीलंका ९९२ ५५९ ९
६. माल्दिभ्स १,१०६ ८० ४
७. नेपाल ३७५ ३६ २
८. भुटान २१ ५ –
रासस–एएफपी
प्रतिक्रिया दिनुहोस्