कोरोना प्रकोपः बिश्वभर १ लाख ३४ हजार ५६० को मृत्यु, अमेरिकामा मात्रै २८ हजारभन्दा धेरैको ज्यान गयो

काठमाडौं , वैशाख ४। कोरोना भाइरस कोभिड–१९ बाट ज्यान गुमाउनेको संख्या १ लाख ३४ हजार नाघेको छ ।

आज बिहानसम्म कोरोनाका कारण ज्यान गुमाउनेको संख्या १ लाख ३४ हजार ५६० पुगेको छ । १४ लाख ३७ हजार ७६६ कोरोना संक्रमितको उपचार भइरहेको छ भने ५१ हजार १६० जनाको गम्भीर अवस्थामा उपचार भइरहेको छ ।

कोरोनाका कारण सबैभन्दा धेरै अमेरिकामा २८ हजार ५२९ जनाको मृत्यु भएको छ । इटालीमा २१ हजार ६४५, स्पेनमा १८ हजार ८१२, फ्रान्समा १७ हजार १६७, बेलायतमा १२ हजार ८६८ जनाको कोरोनाका कारण ज्यान गइसकेको छ ।