अमेरिकाको न्युयोर्कमा भिषण आगलागी, चारको मृत्यु, एक घाइते

काठमाडौं, चैत १९ । अमेरिकाको न्युयोर्कस्थित ब्रंक्सस्थित अपार्टमेन्टमा आगलागी हुँदा चारजनाको मृत्यु भएको छ । एक घाइते छन् ।

मृत्यु हुने चारैजना महिला हुन् । एक पुरुष घाइते भएका छन् । प्रहरीका अनुसार अपार्टमेन्टको छैटौँ तलामा आगलागी भएको थियो । आगलागी कसरी भयो भन्ने यकिन भइसकेको छैन । यद्यपि प्रहरीले अनुसन्धान गरिरहेको जनाएको छ ।

न्युयोर्क टाइम्सका अनुसार घाइते एकजनालाई अस्पतालमा उपचार गरिएको छ । न्युयोर्क सिटीका मेयर बिल डे ब्लासियोले भने आगलागीमा मृत्युको घटना सार्वजनिक हुनुभन्दा अघि नै आगलागीबारे ट्वीटर मार्फत जानकारी दिएका थिए ।