क्रिकेट खेलाडी सन्दीपले गरे धुर्मुस–सुन्तली फाउन्डेसनलाई यति ठुलो आर्थिक सहयोग

काठमाडौं, फागुन १० । चितवनको भरतपुरमा निर्माणाधीन रंगशालाका लागि आर्थिक सहयोग आउने क्रम जारी रहेको छ । विभन्न सहयोगीमनहरुबाट आर्थिक संकल भइरहेको छ । यसैबीच क्रिकेट खेलाडी सन्दीप लामिछानेले धुर्मुस–सुन्तली फाउन्डेसनलाई आर्थिक सहयोग गरेका छन् ।

निर्माणाधीन रंगशालाका लागि उनले रु ७० हजार फाउन्डेसनलाई हस्तान्तरण गरेका हुन् ।सन्दीपले गत महिना कीर्तिपुरस्थित त्रिवि क्रिकेट मैदानमा भएको ‘आइसीसी विश्वकप क्रिकेट लिग–२’ खेल्नेक्रममा हरेक विकेट लिएवापत्को रकम रंगशाला निर्माणका लागि सहयोग गर्ने घोषणा गरेका थिए ।

उनले प्रत्येक विकेट लिएवापत्को रु ८ हजार ८४८ सहयोग गर्ने घोषणा गरेका थिए ।सन्दीपले ओमान र अमेरिकासितका चार खेलमा ८ विकेट लिएका थिए ।

सोही विकेट बराबरको रकम फाउन्डेसनका अध्यक्ष सीताराम कट्टेल (धुर्मुस) र उपाध्यक्ष कुञ्जना घिमिरे (सुन्तली)लाई हस्तान्तरण गरिएको हो । सन्दीप रंगशाला निर्माणका सद्भावनादूतसमेत हुन् ।