तनावग्रस्त कोहलपुरमा यसरी गरे विद्यार्थीहरुले ट्रकमा आगजनी (चार तस्बिर )

काठमाडौं, मंसिर २२ । बाँकेको कोहलपुरमा ट्रकको ठक्करबाट एक बालिकाको मृत्यु भएको छ । यसकै कारण त्यहाँको स्थिति निकै तनावग्रस्त पनि भएको छ ।

यो घटना आइतबार बिहान कोहलपुर-पालगञ्ज सडकखण्ड अन्तर्गत हाईस्कुल चोकको हो । आक्रोस विद्यार्थीहरुले ट्रकमा पुरै आगो लगाएक छन् ।

स्कुले बालिकाको मृत्यु भएपछि विद्यार्थीहरुको समूहले ट्रकमा आगजनी गरेका छन् । त्यसपछि प्रहरीले बल प्रयोग समेत गरेको थियो ।

आक्रोशित समूह र प्रहरीबीच ढुंगा हानाहान भएको थियो । दर्जनौं गाडीहरु बीच सडकमै रोकिादा यात्रुहरु अलपत्र परेका छन् । सडकमा रोकिएका अधिकांश गाडीहरुको सिसा विद्यार्थीहरुले फुटाइदिएका छन् ।

उनीहरुले चोकमा टायर बालेर यातायात आवागमन अवरुद्ध पनि पारेका छन् । भिडलाई नियन्त्रणमा लिन ४ राउण्ड अश्रुग्याँस फायर गरिएको ईलाका प्रहरी कार्यालय कोहलपुरले जनाएको छ ।