रोकिएन तस्करीः धमाधम पक्राउ पर्दै , फोरि एक किलो सुन सहित चिनियाँ नागरिक पक्राउ

काठमाडौं मंसिर १४ । त्रिभुवन अन्तर्रा्ष्ट्रिय विमानस्थलबाट फेरि एक चिनियाँ पक्राउ परेका छन् । पक्राउ पर्नेमा २२ वर्षीय सा लुतुई रहेका छन् ।

तिब्बत एयरको उडानद्धारा काठमाडौं आएका उनलाई गएराति भन्सार कार्यालय र प्रहरीको संयुक्त टोलीले आगमन कक्षको भन्सार वाकथ्रु गेटमा जाँच गर्ने क्रममा शरीरमा शंकास्पद बस्तु रहेको मेटल डिडेक्टरले संकेत गरेपछि नियन्त्रणमा लिएर केएमसी सिनामंगल लगि एक्सरे गर्दा मलद्वारभित्र ४ वटा टुक्रामा लुकाइ ल्याएको उक्त परिमाणको सुन निकालिएको थियो ।

यस सम्बन्धमा प्रहरीले आवश्यक अनुसन्धान गरिरहेको छ । बिहीबार रातिपनि प्रहरीले ८ किलो सुनसहित २ चिनियाँलाई पक्राउ गरेको थियो । पछिल्लो समय सुन तस्करी बढेको छ । त्रिभुवन अन्तर्रा्ष्ट्रिय विमानस्थलबाट धमाधम गिरोहहरु समातिन थालेका छन् ।