काठमाडौं आउँदै गरेको बस सुनकोशीमा खस्यो

काठमाडौं, कात्तिक १७ । सिन्धुपाल्चोकमा आइतबार बस दुर्घटना भएको छ । दोलखाको मागा देउरालीबाट काठमाडौंका लागि छुटेको यात्रुवाहक बस सिन्धुपाल्चोकको सुकुटे नजिकै दुर्घटना भएको हो।

आइतबार दिउँसो बस सुनकोशी नदीमा खसेको हो। बसमा कति जना यात्रु सवार थिए भन्ने खुलेको छैन। जिल्ला प्रहरी कार्यालय सिन्धुपाल्चोकका अनुसार शैलुंगेश्वर यातायातको बा २ ख ७२४५ नम्बरको बस दुर्घटनामा परेको हो।

घटनास्थलमा प्रहरी परिचालन गरिएको छ। विस्तृत विवरण आउन बाँकी छ।