भारतमा खाना पकाउने ग्यास सिलिन्डर विस्फोट, १० जनाको मृत्यु, दुईतले घर भत्कियो

काठमाडौं, असोज २७ । भारतमा खाना पकाउने ग्यास सिलिन्डर विस्फोट हुँदा १० जनाको मृत्यु भएको छ ।

भारतको उत्तर प्रदेशमा सोमबार खाना पकाउने ग्यास सिलिन्डर विस्फोट भएको हो ।

मऊ जिल्लास्थित एउटा घरमा खाना पकाउने ग्यास सिलिन्डर विस्फोट हुँदा दुईतले घर भत्किएको छ भने ठूलो विस्फोटपछि उक्त घरमा आगो लागेको स्थानीयले बताएका छन् ।

राज्य सरकारले मृतकका परिवारलाई राहत र घाइतेको उपचार गर्ने जनाएको छ ।