अध्यक्ष प्रचण्ड भन्छन् – कांग्रेससँग फेरि पनि सहकार्य हुन सक्छ

काठमाडौं, असोज २६ । नेपाल कम्युनिष्ट पार्टीका अध्यक्ष प्रचण्डले नेपाली कांग्रेससँग फेरी पनि सहकार्य हुन सक्ने बताएका छन्।

नेपाली कांग्रेसले पार्टी कार्यालय सानेपामा आयोजना गरेको दसैं, तिहार तथा छठको शुभकामना आदानप्रदान कार्यक्रममा उनले यस्तो बताएका हु्न ।

कांग्रेससँग पहिले पनि सहकार्य भएको र फेरि पनि सहकार्य हुन सक्ने बताउँदै उनले कांग्रेसका नेताहरुसँग भेट्दा सहयात्रीसँग भेटघाट गरे जस्तो महसुस हुने गरेको उल्लेख गरे ।

‘नेपाली कांग्रेसको कार्यक्रममा आउँदा आफ्नै सहयात्रीका बीच आएजस्तो अनुभूति हुन्छ’ उनले भने, ‘हेर्दै जाउँ आउने दिनमा राजनीतिले कसरी कोल्टो फेर्छ।’

एकता र शान्ति प्रकृयाको संकल्पकै कारण कांग्रेससँगको सम्वन्ध सहयात्रीकै रुपमा अघि बढ्ने उनको भनाई रहेको थियो ।