रौतहटमा भिषण आगलागीः लाखौंको क्षति

काठमाडौं, असोज ४ । रौतहटमा भिषण आगलागी भएको छ । रौतहटको पश्चिमी भेग फतुवा विजयपु नगरक्षेत्र अन्तर्गत एक गोठमा आगलागी हुँदा लाखौं मूल्य बराबरको क्षति भएको हो ।

फतुवा विजयपुर नगरपालिका वडा नम्बर १ गम्हरियामा गएराति स्थानीय रागरित राउत कुर्मीको गोठमा भएको आगलागीबाट लाखौंको क्षति भएको हो ।

लामखुटे धपाउन बालिएको घुरबाट सल्किएर गएराति १२ बजे कुर्मीको गोठमा आगलागी हुँदा गोठभित्रै रहेको बाख्रा, भैँसीको जलेर मृत्यु भएको इलाका प्रहरी कार्यालय सन्तपुर दोस्तियाका सई कल्याण आले मगरले जानकारी दिए ।

आगलागीबाट गोठ चौपाया गरी तिनलाख बढीको क्षति भएको प्रहरीको प्रारम्भिक अनुमान रहेको छ ।

गाँउले र प्रहरीको सहयोगमा आगलागी नियन्त्रणमा आएको स्थानीय समाजसेवी विद्यानन्द यादवले जानकारी दिए ।