संविधानमा नमिलेका कुरा सच्याउँदै अघि बढ्ने प्रधानमन्त्री ओलीको प्रतिबद्धता

काठमाण्डौ ,असोज ३ । प्रधानमन्त्री केपी शर्मा ओलीले संविधानमा नमिलेका कुरा सच्याउँदै अघि बढ्ने प्रतिवद्धता जनाएका छन् । संविधान दिवसका दिन टुँडिखेलमा आयोजित कार्यक्रममा बोल्दै उनले यस्तो प्रतिवद्धता जनाएका हुन् ।

संविधान दिवस फगत तामझामका लागि मात्रै नभइ नेपालीको विशेष दिन भएको उनले बताए ,
कार्यक्रममा प्रधानमन्त्री ओलीले संविधानको धारा, दफामा के पायौँ के पाएनौँ भनेर किचलो गरेर बस्नुभन्दा पनि कहाँ के मिल्दैन त्यो सच्याउँदै अघि बढ्न सकिने उनको भनाइ थियो ।

उनले नमिलेका संविधानको धारा दफा सच्चाउँदै अघि बढ्ने प्रतिबद्धता पनि जनाए । आजको दिन कुनै उर्दी र तामेली दिए जस्तो नभई प्राप्त उपलब्धिप्रति गर्व गर्ने उत्सव रहेकाले सबैले उत्साहका साथ दिवस मनाउन आग्रह पनि गरे ।

साथै उनले जब भविष्यप्रति आशावादी हुन्छ, सुन्दर भविष्यको सपना देख्छ, तब मा देश बाँच्ने बताए । ‘मेरो काम मुर्छित सपनाहरुलाई जगाउनु र तिनिहरुप्रति विश्वास बढाउनु थियो । र, ती विश्वास साकार पार्न हरेकले प्रयास गरुन्, जसबाट देश विकास सम्भव बनाउन सकिन्छ, समाज विकास सम्भव बनाउन सकिन्छ भन्ने थियो’, प्रधानमन्त्री ओलीले भनेका छन्, ‘मैले त्यही नै कोशिस गरेको थिएँ ।’