मनसुन पुनः सक्रिय, आगामी तीन दिनसम्म देशभर वर्षा हुने

mausam-change

काठमाडौं, भदौ २९ । नेपालमा मनसुन पुनः सक्रिय भएको छ । मनसुन सक्रिए भएकाले देशभर बदलीसँगै वर्षा भइरहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।

मनसुनी न्यून चापीय रेखाको पश्चिमी भाग औसत स्थानको आसपासमा रहेका कारण मनसुनी गतिविधि केही सक्रिय भएको मौसमविद् शान्ति कँडेलले बताए । ‘अझै तीन दिन देशभर हल्कादेखि मध्यम खालको वर्षाको सम्भावना रहेको र सो अवधिभर वर्षा अविरल नभई केही समय बलदी हुने केही समय वर्षा हुने क्रम निरन्तर भइरहनेछ’, उनले भने ।

हाल देशभर आंशिकदेखि सामान्य बदली भई मध्यको पहाडी भेगलगायत पूर्वी तथा पश्चिमी भागका केही स्थानमा हल्का वर्षा भइरहेको छ ।

उक्त महाशाखाले आगामी २४ घण्टाको मौसम पूर्वानुमान जारी गर्दै देशका केही स्थानमा मेघ गर्जनरचट्याङसहितको वर्षा हुनाका साथै मध्य तथा पूर्वी भू–भागका एक–दुई स्थानमा भारी वर्षाको सम्भावना भएकाले पहिरो जान सक्ने तथा सडक र हवाई यातयातमा सामान्य अवरोध आउन सक्ने हुँदा सतर्कता अपाउन पनि आग्रह गरेको छ ।

आज पनि देशका अधिकांस स्थानमा वर्षा भएको छ । काठमाडौं उपत्यका लगाएत देशका अन्य क्षेत्रमा वर्षा भएको हो । अझै तिन दिन सम्म वर्षा हुने भएको छ । केहि दिन यता वर्षा निरन्तर हुने क्रम जारी रहेको छ ।