इन्द्रजात्रा विथोल्न खोज्ने पूर्व डिआईजी भट्टसहित २० जना पक्राउ
काठमाडौं , भदौ २७ । वसन्तपुरमा आयोजित इन्द्रजात्रा विथोल्न खोज्ने पूर्व डिआईजी सहित २० जनालाई प्रहरीले पक्राउ गरेको छ ।
शुक्रवार मध्यान्ह इन्द्रजात्रा विथोल्न खोज्ने समूहमा देखा परेपछि नेपाल प्रहरीका पूर्व डिआईजी विजयराज भट्ट समेत पक्राउ परेका बताईएको छ ।
इन्द्रजात्रा विथोल्न खोज्ने केहीलाई पक्राउ गरेको महानगरीय प्रहरी परिसर काठमाडौंका प्रवक्ता (डिएसपी) होविन्द्र बोगटीले बताए । पक्राउ परेकाहरुसंग सोधपुछ गरिरहेका पनि उनले बताए ।
इन्द्रजात्रा मनाउन राष्ट्रपती विद्यादेवी भण्डारी बसन्तपुर जाने कार्यक्रम छ ।
राष्ट्रपती सहभागी हुने कार्यक्रममा स्थानीय नेवार समुदायले गुठी विद्येयकको विरोध गर्ने तयारी समेत गरिरहेको बताएको छ ।
बर्षा र सहकालका देवता देवराज इन्द्रको पुजा–आरधना गरी मनाइने इन्द्रजात्राको सुरक्षाका लागि बसन्तपुरमा ठूलो संख्यामा प्रहरी परिचालन गरिएको छ । शुक्रवार विहान प्रहरी महानिरीक्षकले बसन्तपुर क्षेत्रको निरीक्षण गरेर सुरक्षा व्यवस्था चुस्त बनाउन निर्देशन दिएका थिए ।
प्रतिक्रिया दिनुहोस्