अब अतिविशिष्ट ६ जनालाई मात्र विमानस्थलभित्र आफ्नै गाडी लैजाने दिइने
काठमाडौं , भदौ २६ । अब त्रिभुवन अन्तर्रा्ष्ट्रिय विमानस्थलमा अतिविशिष्ट ६ जनालाई मात्रै आफ्नै गाडी लैजान दिइने भएको छ ।
यस संगै अब आन्तरिक उडानतर्फ आफ्नै सवारी साधनबाट जान पाउने व्यवस्था कार्यान्वयनमा आएको छ ।
संस्कृति, पर्यटन तथा नागरिक उड्डयनमन्त्री योगेश भट्टराईले १ वर्षे कार्यायोजनामा सम्माननीय ‘वीग सिक्स’ लाई मात्र आन्तरिक उडानमा जहाज नजिकै आफ्नो सवारी लैजान पाउने सुविधा दिने जनाएका थिए ।
उक्त निर्णय कार्यान्वयनमा आएको विमानस्थलले बिहीबार एक सूचना जारी गर्दै जानकारी दिएको हो । अब राष्ट्रपति, उपराष्ट्रपति, प्रधानमन्त्री, प्रधान्यायाधीश, सभामुख र राष्ट्रियसभाका अध्यक्षले मात्र आफ्नो सवारी साधन आन्तरिक उडानको जहाज नजिकै लैजान पाउने भएका छन् ।
साथै, सम्माननीय सरह मर्यादा पाएका विदेशी समकक्षीलाई समेत उक्त सुविधा दिइएको छ ।
त्यसबाहेक अब विशिष्ट व्यक्ति (भीआईपी)हरुले भने वायुसेवा कम्पनीले उपलब्ध गराउने सवारी साधन नै चढेर जहाजसम्म पुग्नु पर्ने भएको छ ।
यसको मतलव अब पूर्वप्रधानमन्त्री, वहालवाला मन्त्री तथा अन्य विशिष्ट व्यक्तिहरुले अन्य यात्रुसँगै टर्मीनलबाट जहाजसम्म बसमा यात्रा गर्नेछन् ।
प्रतिक्रिया दिनुहोस्