पर्यटनमन्त्री भट्टराईद्वारा पोखरा क्षेत्रीय अन्तर्राष्ट्रिय विमानस्थलको निरीक्षण
Published On : 28 August, 2019 9:55 am
काठमाडौं, भदौ ११ । सँस्कृति, पर्यटन तथा नागरिक उड्डयनमन्त्री योगेश भट्टराईले निर्माणाधीन पोखरा क्षेत्रीय अन्तर्रा्ष्ट्रिय विमानस्थल निरीक्षण गरेका छन् ।
बुधबार बिहान पोखरा आएका उनले आयोजनाको भौतिक र वित्तीय प्रगति बुझेपछि फिल्ड निरीक्षण गरेका थिए ।
विमानस्थलका आयोजना प्रमुख विनेश मुनाकर्मीका अनुसार आयोजनाको ४५ प्रतिशत काम सकिसकेको छ ।
मन्त्री भट्टराईले समयमै काम सक्न समेत निर्देशन दिएका छन् । उनले सन् २०२० डिसेम्बरमा काम सकेर चाबी बुझाएको दिन कर्मचारीलाई रथ यात्रा गराउने बताए ।
मन्त्री बनिसकेपछि उनी पहिलो पटक पोखरा आएका हुन् ।
प्रतिक्रिया दिनुहोस्