कर्णाली प्रदेशका मुख्यमन्त्री शाहीलाई लक्षित गरी बम विस्फोट
Published On : 14 August, 2019 11:25 am
काठमाडौं, साउन २९ । कर्णाली प्रदेशका मुख्यमन्त्री महेन्द्रबहादुर शाहीलाई लक्षित गरी कालीकोटमा बम विस्फोट गराएको छ ।
कालिकोटको पचालझरना गाउँपालिकाको गाउँसभा उद्घाटन गर्न गएका मुख्यमन्त्री शाहीलाई लक्षित गरेर नेत्रविक्रम चन्द ‘विप्लव’ नेतृत्वको समूहले बम विष्फोट गराएको हो ।
मुख्यमन्त्री शाही बुधबार स्थलमार्ग हुँदै कर्णाली प्रदेशको राजधानी वीरेन्द्रनगरबाट कालिकोट गएका थिए।
बुधबार पचालझरना गाउँपालिका–३ खिग्ममा कार्यक्रम भइरहेका बेला नजिकै बम विष्फोट भएको हो।
कार्यक्रम स्थलभन्दा एक किलोमिटरमाथिको जंगलमा बम विष्फोट भएको गाउँपालिका अध्यक्ष खड्कराज सेजुवालले जानकारी दिए।
अहिले प्रहरीले बम विष्फोट भएको स्थलको अनुगमन गरिरहेको जनाएको छ ।
प्रतिक्रिया दिनुहोस्