शुक्रबारको मौसम : मेघगर्जन र चट्याङसहित भारी वर्षा हुने सम्भावना

काठमाडौँ, साउन २४। मुलुकभर शुक्रबारको मौसम बदली हुने जल तथा मौसम पूर्वानुमान महाशाखाले जनाएको छ ।

देशका धेरैजसो स्थानहरुमा आंशिकदेखि सामान्य बदली रहेर केही स्थानहरुमा मेघ गर्जन र चट्याङ्सहित हल्का देखि मध्यम वर्षा हुने मौसमविदले बताएका हुन् ।

मुलुकका पूर्वी भूभागका एकदुई स्थानहरूमा भने मेघ गर्जन र चट्याङ्सहित भारी वर्षा हुन सक्ने महाशाखाले जारी गरेको सूचनामा उल्लेख छ ।
रातिको मौसम पनि दिउँसोको जस्तै रहने उल्लेख गरिएको छ ।