विप्लवको बन्दः गाडीको आवातजावत सामान्य

काठमाण्डौं, साउन १५ । नेतृविक्रम चन्द विप्लव नेतृत्वको नेकपाले गरेको बन्दले आज गाडीको आवातजावत सामान्य रुपमा मात्रै चलेका छन् ।
उपत्यका र आसपासका ठाउँमा अहिले सामान्य रुपमा गाडी चलिरहेका छन् । लामो दूरीका गाडी भने हिजोको तुलनामा कम मात्रै चलेका छन् ।

काठमाण्डौ भित्रिने र बाहिरिने गाडी केही कम चले पनि सडकमा कतै अवरोध नभएको प्रहरीले जनाएको छ । प्रहरीका अनुसार रसुवा, नुवाकोट र गोरखा चल्ने गाडीका काउन्टरबाहेक अरु सबै काउन्टरबाट लामो दूरीका लागि यात्रुले टिकट काटिरहेका छन् ।

नेतृविक्रम चन्द विप्लव नेतृत्वको नेकपाले बन्द आह्वान गरेको हल्ला चलेकाले सुरक्षा व्यवस्था कडा पारिएको र निर्वाध रुपमा गाडी चलाउने व्यवस्था मिलाइएको प्रहरीले जनाएको छ ।