ओढारमा लुकाइराखेको १६ किलो सुन बरामद

काठमाडौं, साउन ९ । गोरखामा ओढारमा लुकाइराखेको १६ किलो सुन बरामद गरिएको छ ।

गोरखाको धार्चे गाउँपालिका -३ खोर्लाबेशीमा ओढारमा लुकाएर राखेको सुन प्रहरीले बरामद गरेको हो ।

चुमनुब्री गाउँपालिका हुल्चुकका ब्यापारी धनकमल गुरुङले ओढारमा ढुंगामुनि लुकाएर राखेको १६ वटा बिस्कुट आकारको सुन बरामद गरेको गोरखाका प्रहरी प्रमुख एसपी ओम अधिकारीले जानकारी दिए ।

उक्त सुनको ढिक्कामा तौल १ हजार ग्राम उल्लेख गरिएको छ ।
एसपी अधिकारीले भने ‘यति नै किलो छ भनेर अहिले भन्न सकिदैन, मान्छे समातेर ल्याउदैछौं, थप अनुसन्धान हुदैछ,’ ।