लण्डनमा गुड्ने ६० वटा बसमा नेपाल चिनाउने पोस्टर

काठमाडौं, साउन २ । लण्डनमा चल्ने ६० वटा बसमा नेपालका धार्मिक, पर्यटकीय र साहसिक गन्तव्यका फोटा राखिएको छ ।

बेलायतको लण्डनमा गुड्ने ६० वटा बसको भित्तामा यतिबेला नेपाल देख्न पाइन्छ

नेपाल भ्रमण वर्ष २०२० लाई सफल बनाउन उक्त पोस्टर राखिएको नेपाल पर्यटन बोर्डले जनाएको छ ।

लाइफटाइम एक्स्पेरियन्स नारासहित १८ वटा रुटमा चल्ने गाडीमा पोस्टर राखिएको बोर्डको दाबी छ ।

करिब ३ सातासम्म यो अभियान जारी रहने बोर्डले उल्लेख गरेको छ । यस अवधिमा करिब ४५ लाख विदेशीबीच नेपालको प्रचार हुने अपेक्षा बोर्डको छ ।

नेपाल भ्रमणमा आउने यूरोपेली पर्यटकमध्ये सबैभन्दा धेरै बेलायती छन् । सन् २०१९ को ६ महिना अवधिमा बेलायतबाट २८९५१ पर्यटक नेपाल भ्रमणमा आएको तथ्यांक छ ।