सर्लाही काण्डः सिंहको परिवारलाई १० लाख क्षतिपूर्ति दिने सरकारको निर्णय

काठमाडौं, असार २६ । सरकारले प्रहरीसँगको झडपमा परी मृत्यु भएका सर्लाहीका सरोजनारायण सिंहको पीडित परिवारलाई क्षतिपूर्ति दिने निर्णय गरेको छ । सरकारले १० लाख आर्थिक सहायता उपलब्ध गराउने निर्णय गरेको हो ।

सरकारका प्रवक्ता एवम् संचार तथा सूचना प्रविधिमन्त्री गोकुल बास्कोटाले सिंहको परिवारलाई राहत स्वरुप १० लाख आर्थिक सहायता उपलब्ध गराउने निर्णय गरिएको जानकारी दिए ।

मन्त्रीपरिषदको निर्णयबारे सार्वजनिक गर्न आयोजित पत्रकार सम्मेलनमा बोल्दै उनले सो घटनामा घाइते भएकाहरुको उपचारको पनि व्यवस्था पनि सरकारले गर्ने जानकारी दिए ।