दिउँसै गोली हानेर रुपन्देहीमा ४ लाख लुटियो, को हुन् लुट्ने ?

काठमाडौं, असार १७ । दिउँसै गोली हानेर रुपन्देहीमा ४ लाख रुपैयाँ लुटिएको छ ।

रुपन्देहीको गैडहवा गाउँपालिका वडा नं. ४ की रेशम कुमारी मल्लले लुम्बिनीस्थित कृषिविकास बैंकबाट निकालेको ४ लाख रुपैयाँ मोटरसाईकलमा आएका व्यक्तिले लुटेको बताएको प्रहरीले जनाएको छ।

अटो रिक्सामा लुम्बिनीबाट गैडहवातर्फ जाँदै गरेकी उनी चढेको इरिक्सामा गोली चलाएर ४ लाख लुटेको बताएको जिल्ला प्रहरी कार्यालय रुपन्देहीका प्रवक्ता धर्म भण्डारीले बताए।

गैडहवामा समूहको पोखरी मर्मतका लागि निकालेको रकम हुन सक्ने बताएको प्रहरीले घटनाबारे अनुसन्धान थालेको छ ।