एसईईको नतिजा यसैसाता प्रकाशन हुने

काठमाडौं, असार १० । गत चैत १० गतेबाट सुरु एसईई परीक्षाको नतिजा यसैसाता प्रकाशन हुने भएको छ ।

नतिजा प्रकाशनको तयारी अन्तिम चरणमा पुगेको राष्ट्रिय परीक्षा बोर्डले जनाएको छ ।

नतिजा प्रकाशनको लागि आवश्यक तयारी जारी रहेको परीक्षा नियन्त्रक विष्णुप्रसाद अधिकारीले बताए । १४ गतेभित्रै नाितजा निकाल्ने गरि आफुहरुले तयारी गरिरहेको उनले बताए ।

संघीय संरचनाअनुसार पहिलो पटक भएको परीक्षामा देशभरबाट ४ लाख ७५ हजारभन्दा बढी परीक्षार्थी सहभागी भएका थिए ।

तीमध्ये दुई लाख ३६ हजार ४४५ छात्र र दुई लाख ३८ हजार ५५८ छात्रा परीक्षार्थी छन् । २०७५ सालको एसईई परीक्षा गत चैत १० गतेबाट सुरु भएको थियो ।