‘न्यू इयर इभ’ मनाउन गएका ६० जना प्रहरीको हिरासतमा

काठमाडौं । ‘न्यू इयर इभ’ मनाउने बहानामा होहल्ला र झगडा गर्ने ६० जनालाई प्रहरीले नियन्त्रणमा लिएको छ। महानगरीय प्रहरी परिसर काठमाडौंबाट परिचालित टोलीले ठमेल, दरबारमार्ग तथा लाजिम्पाट क्षेत्रबाट नियन्त्रणमा लिएको प्रहरी नायव उपरिक्षक वसन्त रजौरेले बताए।

प्रहरीको नियन्त्रणमा रहेका ६० जना मध्ये ५९ पुरुष र एक महिला रहेका छन्। पक्राउ परेका अधिकांशले मदिरा सेवन गरि झै झगडा गरेको प्रहरीको भनाई छ। इभ’लाई लक्षित गर्दै राजधानीको ठमेल, दरबारमार्ग, लाजिम्पाट तथा ललितपुरको झम्सीखेल र भक्तपुरको दरबार क्षेत्रमा विषेश सुरक्षा व्यवस्था मिलाइएको थियो।

सबैभन्दा बढी चहलपहल हुने दरबारमार्ग, ठमेल, क्षेत्रपाटीलगायतका स्थानमा मात्र १२ सयभन्दा बढी प्रहरी खटाइएको थियो। आपराधिक गतिविधि नियन्त्रण गर्न सादा पोशाक र तालिम प्राप्त कुकुरसमेत परिचालन गरिएको थियो।