रामेछापमा बस दुर्घटना हुँदा २ जनाको मृत्यु, दर्जनौ घाइते

काठमाडौ, ३१ जेठ । काठमाडौबाट रामेछाप जाँदै गरेको बस दुर्घटना हुँदा २ जनाको मृत्यु गएको छ । उक्त दुर्घटनामा १३ जना घाइते भएका छन् ।

अरनिको यातायात सेवा समितिको बा २ ख ७२४२ नम्बरको सुपर एक्सप्रेस बस बिहीबार राति लखनपुरको गुरासेँ भन्ने स्थानमा दुर्घटना भएको हो । दुर्घटनामा परेर ज्यान गुमाउनेमा दोरम्बा गाउँपालिका-६ का उद्धव गौतम र हरिबहादुर कार्की रहेका छन् ।

दुर्घटनापछि उपचारको लागि काभ्रेको धुलिखेल लैजाने क्रममा उनीहरुको बीच बाटोमा नै ज्यान गएको जिल्ला प्रहरी कार्यालय रामेछापले जनाएको छ । दुर्घटनामा घाइते भएका १३ जनाको धुलिखेल अस्पतालमा उपचार भैरहेको छ ।

गाडी सडकबाट झण्डै ५० मिटर तल खसेको थियो । दोरम्बा गाउँपालिका-६ लखनपुरका वडाध्यक्ष अम्बिकाप्रसाद गजुरेलले जानकारी दिए अनुसार चालकले रक्सी खाएर गाडी चलाउँदा दुर्घटना भएको थियो ।