एसईई परीक्षा: देशभरको प्रश्नपत्र रुजु गर्न शिक्षा मन्त्रालयको निर्देशन
Published On : 29 March, 2019 9:31 am
काठमाडौं, चैत १५ । प्रदेश २ मा लगातार एसईई परीक्षाको प्रश्नपत्र बाहिरिएपछि शिक्षा मन्त्रालयले देशभरको प्रश्नपत्र रुजु गर्न निर्देशन दिएको छ ।
प्रश्नपत्रहरु बाहिरिन थालेपछि मन्त्रालयले शुक्रबार परीक्षा केन्द्रहरुमा प्रश्नपत्रको पोका रुजु गराउन निर्देशन दिएको हो ।
शिक्षा, विज्ञान तथा प्रविधिमन्त्री गिरिराजमणि पोखरेलको अध्यक्षतामा गठन भएको उच्चस्तरीय सुरक्षा समितिको शुक्रबार बसेको बैठकले उक्त निर्णय गरेको शिक्षासचिव खगराज बरालले जानकारी दिए ।
शिक्षासचिव बरालले एसइई परीक्षा प्रणाली नै ‘फेल’ गराउन सांगठनिकरुपमा अपराध हुन थालेको टिप्पणी गरे ।
प्रश्नपत्र रुजु गरेको तथ्यांक आज दिनभरिमा निकाली शुक्रबारै साँझ ६ बजे फेरि बैठक बस्ने मन्त्रालयले जनाएको छ ।
प्रदेश २ मा बिहीबार विज्ञान र शुक्रबार सामाजिक विषयको प्रश्नपत्र बाहिरिएको थियो ।
प्रतिक्रिया दिनुहोस्