प्रचण्डविरुद्ध अमेरिकामा उजुरी, पक्राउ गर्न माग
काठमाडौं, चैत ५ । पूर्व प्रधानमन्त्री समेत रहेका नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डलाई पक्राउको माग गर्दै अमेरिकामा उजुरी परेको छ ।
पत्नी सीता दाहालको उचारका लागि भन्दै अमेरिका पुगेका दाहाललाई पक्राउ गर्न माग गर्दै अमेरिकामा उजुरी हालिएको हो ।
अमेरिकी विश्वविद्यालयमा अध्ययनरत नेपाली तिलक बहादुर श्रेष्ठले अमेरिकी गुप्तचर संस्था एफबिआईमा उजुरी दिँदै पूर्व प्रधानमन्त्री प्रचण्डलाई पक्राउ गर्न भनिएको छ ।
उजुरीमा प्रचण्डलाई परिचित आतंकवादी भनिएको छ । उनले जनयुद्धको समयमा १७ हजार नेपालीको ज्यान लिएको र उनको नाम अमेरिकाको आतंकवादीको सूचीमा समेत रहेकोले उनलाई पक्राउ गरी कारबाही गर्नको लागि आग्रह गरिएको छ ।
श्रीमती सीता दाहालको उपचारको लागि अमेरिका पुगेका प्रचण्ड जोन हकिङ्स अस्पतालमा रहेको बताउँदै उजुरीकर्ता श्रेष्ठले नैतिक मूल्य र मान्यता, अन्तराष्ट्रिय कानून र अमेरिकाले आतंकवाद विरुद्ध लिएको प्रतिवद्धताको आधारमा उनलाई पक्राउ गर्नुपर्ने उल्लेख गरेका छन्।
प्रतिक्रिया दिनुहोस्