नेप्सेको प्रणालीमा आज पनि फेरि गडबड, कारोबार ठप्प

काठमाण्डौ फागुन २६ । शेयरबजार परिसूचक नेप्सेको प्रणालीमा आज फेरि गडबड भएको छ ।

आइतबार बिहान १२ बजेर ४१ मिनेटसम्म कारोबार भएपनि त्यसपछि प्रणालीमा आएको अवरोधले कारोबार गर्न नसकिएको नेपाल स्टक एक्सचेन्जले जनाएको छ ।

कारोबार रोकिनुअघि सम्म आइतबार नौ करोड ३८ लाख रुपैयाँ बराबरका ३ लाख २२ हजार कित्ता शेयर कारोबार भएको छ । नेप्सेको प्रणालीमा गडबड भएपछि कारोबार ठप्प भएके हो ।

समस्या पत्ता लगाएर समाधानको प्रयास भैरहेको नेपाल स्टक एक्सचेन्जले जनाएको छ ।

अनलाइन प्रणालीमा गएपछि नेप्सेमा पटक पटक गडबडी हुँदा लगानीकर्ता निराश हुँदै आएका छन् । गएको कात्तिक २० गतेदेखि नेप्से अनलाइन प्रणालीमा आएको हो ।