अफगानिस्तानमा आत्मघाती आक्रमणमा ६ प्रहरीको मृत्यु

काठमाडौ । अफगानिस्तानको दक्षिण प्रान्तको मेवान्द जिल्लास्थित प्रहरी प्रमुख कार्यालयमा शुक्रबार भएको आत्मघाती आक्रमणमा परी ६ प्रहरी अधिकारीको मृत्यु भएको छ ।
सरकारी अधिकारीहरुले जानकारी दिए अनुसार आक्रमणमा परी अन्य चार प्रहरी समेत घाइते भएका छन् ।
प्रहरी प्रमुख कार्यालयमा शुक्रबार विहान सबेरै भएको आक्रमणको तालिवान आतङ्ककारी समूहले जिम्मा लिएको छ ।

अफगानिस्तानमा हालका दिनहरुमा अफगान सुरक्षा अधिकारीहरुलाई लक्ष्यगरी तालिवान आतङ्ककारी समूहले आक्रमण गर्ने गरेका छन् ।

यस आक्रमणमा परेका ती सबैजना पीडितहरु स्थानीय प्रहरी भएको आफ्रिदीले एएफपी समाचार समितिलाई जानकारी दिएका छन् ।

विस्फोटन भीषण भएको र विस्फोटनको आवाज प्रहरी प्रमुख कार्यालयकबाट निकै टाढासम्म सुनिएको एक स्थानीय प्रहरी अधिकारीले एएफपी समाचार समितिलाई बताएका छन् ।
अफगानिस्तामा करिब १६ बर्ष यतादेखि तालिवान आतङ्ककारी समूहले हिंसा जारी राखेको छ ।