मोदीको गुजरातमा राहुल गान्धीको राम्रो प्रदर्शन चल्दै
काठमाडौं । लगातार पराजयको पीडा व्यहोर्दै आएको भारतको प्रमुख विपक्षी दल कांग्रेसको नेतृत्व राहुल गान्धीको काँधमा हस्तान्तरण भएलगत्तै गुजरातको चुनावमा कांग्रेसले राम्रो प्रदर्शन गरेको छ । तर हिमाञ्चल प्रदेश भने कांग्रेसले गुमाउने खतरा देखिएको छ ।
यो संयोगमात्र हुनसक्छ तर कांग्रेसको नेतृत्वमा राहुल गान्धी आउनु र नरेन्द्र मोदीको गृह प्रदेश गुजरातमा कांग्रेसले भारतीय जनता पार्टीलाई टक्कर दिनु्ले कांग्रेसले भारतमा पुनर्जीवन पाउन लागेको विश्लेषण हुन थालेको छ ।
नरेन्द्र मोदीले तीन कार्यकाल मुख्यमन्त्री भएर विकासको मोडल तय गरेको गुजरातमा जारी मतगणनामा सत्तारुढ भाजपालाई विपक्षी कांग्रेसले कडा टक्कर दिइरहेको छ । पछिल्लो रुझान अनुसार, भाजपाले ९८ स्थानमा अग्रता लिँदा कांग्रेसले ७९ स्थानमा लिड गरिरहेको छ ।
गुजरातमा १८२ सिटका लागि भएको चुनावमा कांग्रेसले ७९ सिटमा अग्रता लिँदा थप १८ स्थान जित्ने प्रक्षेपण गरिएको छ
प्रतिक्रिया दिनुहोस्