अमेरिकामा हिमआँधी: तीनजनाको मृत्यु, लाखौं मानिस प्रभावित, हजारौं हवाई उडान रद्ध Jagaran News Published On : 11 December, 2018 10:58 am काठमाडौं, मंसिर २५ । अमेरिकाका विभिन्न राज्यमा आएको हिमआँधीका कारण तीनजनाको मृत्यु भएको छ । लाखौं मानिस प्रभावित भएका छन् । आँधीबाट बढी प्रभावित केरोलिना राज्यमा आपत्कालीन अवस्थाको घोषणा गरिएको छ । अलाबामा, तेनेसी र जर्जियामा पनि हिमआँधीको असर परेको छ । भारी हिमपातपछि आएको आँधीका कारण हजारौं हवाई उडान रद्ध भएका छन् । विद्युत् आपूर्ति बन्द हुँदा तीन लाख मानिस प्रभावित भएका छन् । नर्थ केरोलिना राज्यका गभर्नर रोय कुपरले वर्षभरिकै नराम्रो आँधी आएको भन्दै सावधानी अपनाउन आग्रह गरेका छन् । (एजेन्सी)
प्रतिक्रिया दिनुहोस्