नेपाल कम्युनिष्ट पार्टी (नेकपा) को सचिवालय बैठक बिहीबार बस्दैछ । बैठक प्रधानमन्त्री निवास बालुवाटारमा दिउँसो ३ बजेका लागि बोलाइएको हो ।
बैठकमा पार्टी एकीकरणको प्रक्रिया तथा सांगठनिक एकीकरणका बारेमा छलफल हुने नेकपाका प्रवक्ता नारायणकाजी श्रेष्ठ प्रकाशले जानकारी दिएका छन् ।
यस्तै बैठकमा पार्टीको तल्लो तहमा एकीकरणका लागि नेताहरुको कार्य्विभाजनको खाका पेश हुने सम्भावना पनि छ । गाउँ, जिल्लासहितका पार्टीको तल्लो तहको एकीकरण सम्बन्धी प्रारम्भीक प्रस्ताव तयार गर्न गठित कार्यदलले प्राप्त भएका सुझावका आधारमा आधारमा तयार पारेको प्रारम्भीक खाका प्रस्तुत हुने प्रवक्ता श्रेष्ठले बताए ।
त्यसमाथि सचिवालयमा छलफल हुने र अन्तिम प्रस्ताव तयार गरी स्थायी समिति बैठक बोलाउने तयारी रहेको बताइएको छ ।
यस्तै बिहीबारको बैठकमा पार्टीका केही युवा नेताले तत्काल केन्द्रीय समितिको बैठक बोलाउन माग गर्दै गरे गरेको पत्रका बारेमा पनि छलफल हुने सम्भावना छ ।
बुधबार २१ केन्द्रीय सदस्यले सरकार र पार्टी सञ्चालनबारे असन्तुष्टि जनाउँदै तत्काल केन्द्रीय समितिको बैठक बोलाउन माग गर्दै ज्ञापनपत्र बुझाएका थिए ।
प्रतिक्रिया दिनुहोस्