कैलालीमा लेखराज भट्ट र रेशम चौधरीलाई अग्रता, डा.आरजु राणा पछि परिन

काठमाडौं। कैलालीमा प्रतिनिधिसभा तथा प्रदेशसभाको मत गणना जारी छ । प्राप्त पछिल्लो परिणाम अनुसार कैलाली क्षेत्र नम्बर १ मा राजपाका रेशम चौधरीले अग्रता लिइरहेका छन् । उनले २८३६ मत ल्याउँदा एमालेकी गरिमा शाहलाई ७११ मत मात्र प्राप्त भएको छ ।

कैलाली क्षेत्र नम्बर ५ मा नेपाली कांग्रेसकी डा।आरजु राणा देउवा भन्दा एमालेका नारदमुनी रानाले अग्रता लिइरहेका छन् । रानाले ८९९० मत ल्याउँदा आरजुले ७९७० मत प्राप्त गरेकी छिन् ।

उता कैलाली क्षेत्र नम्बर ४ मा माओवादी केन्द्रका लेखराज भट्टले अग्रता लिइरहेका छन् । उनले ६३९२ मत ल्याउँदा उनका निकटतम प्रतिद्धन्द्धी नेपाली कांग्रेसका सुनिल भण्डारीले ३७३१ मत ल्याएका छन् । मत गणना जारी रहेको निर्बाचन कार्यालयले जनाएको छ ।