नेपाल भर्सेस सिंगापुर: नेपालका ललित चम्किए, सिंगापुरको ८ विकेट गयो

काठमाडौँ ।  मलेसियामा जारी एसिया कप क्रिकेटको छनौट प्रतिस्पर्धा अन्तर्गत नेपालले अहिले सिंगापुरसँग प्रतिस्पर्धा गरिरहेको छ । चौथो खेलमा नेपालले सिंगापुरसँग प्रतिस्पर्धा गरिरहेको छ ।

युकेएम ओभलमा टस जितेर ब्याटिङ्ग गरिरहेको सिंगापुरले ८ विकेट गुमाएको छ । यो खेलमा नेपालका ललित नारायण राजवंशी चम्किएका छन् । उनले तीन विकेट लिए ।

यस्तै सोमपाल कामीले दुई तथा सन्दीप लामिछानेले पनि दुई विकेट लिएका छन् । सिंगापुरका एक ब्याट्सम्यान रन आउट भएका छन् । सिंगापुरले २८ ओभरको खेल सकिँदा पाँच विकेटको क्षतिमा ११० रन बनाएको छ ।

सिंगापुरले सुरुको चार ओभरकै खेलमा दुई विकेट गुमाएको हो । सुरुका दुई खेलमा हारेको नेपालले तेस्रो खेलमा मलेसियालाई हराएर एसिया कप खेल्ने आश जीवित राखेको छ । शनिबार भएको खेलमा मलेसियामाथि १९ रनको जित निकालेको नेपालले सिंगापुरसँगको खेलमा पनि राम्रो सुरुवात गरेको छ ।