एसिया कप छनोट: नेपालको १०० रन पूरा, क्रिजमा सागर र आरिफ
Published On : 29 August, 2018 4:30 am
काठमाडौं । एसिया कप छनोट क्रिकेट प्रतियोगिताअन्तर्गत ओमनविरुद्ध नेपालले १०० रन पूरा गरेको छ ।
नेपालले ३२.३ ओभरमा ४ विकेटको क्षतिमा सय रन पूरा गरेको हो । नेपालका लागि सागर पुन २१ रन र आरिफ शेख १३ रनमा खेलिरहेका छन् ।
१५.५ ओभरमा नेपालले ५६ रन बनाउँदा दोस्रो विकेटको रुपमा कप्तान पारस खड्कालाई ८ रनमा गुमाएको थियो । नेपालको पहिलो विकेटको रुपमा सुवास खकुरेल ४ रन आउट भएका थिए ।
नेपाल र ओमनबीचको खेल मलेसियाको राजधानी क्वालालम्पुरस्थित बायुमास ओभलमा जारी खेलमा नेपाल ओमनलाई पराजित गर्दै छनोट प्रतियोगितामा सुखद सुरुवात गर्ने लक्ष्यमा रहेको छ ।
प्रतियोगितामा नेपालसँगै आयोजक मलेसिया, ओमन, युएई, सिंगापुर र हङकङ रहेका छन् ।
प्रतिक्रिया दिनुहोस्